Mir sueche Nochwuchs
Denn kumm doch bi uns go schnuppere!
Drummel- und Pfyffergrubbe us Birsfälde – locker, gmietlig und mit ganz vil Fasnacht ❤️
Mir sueche dii, will …
Zwüsche 20 und 40?
Nadyyrlig dörfsch au jünger oder elter syy.
Kasch scho pfyffe oder drummle?
Hesch emool und jetzt wettisch wiider richtig aafange?
Locker Fasnacht mache
Ohni Zwang, gmietlig und mit vil Fröid.
Cortège laufe
… will du dr Cortège laufe wotsch, aber nid in e Stamm Clique möchtsch.
Sujet mitwähle
… will du bim Wähle vom Sujet, Larvekaschiere und Ladäärnemoole mitmache wotsch.
Au hinger de Kulisse
… will du Goschdyymschniidere oder Zeedelschryybe au spannend findsch.
Wer mir sind
Mir sinn e gmischti Drummel- und Pfyffergrubbe mit gnapp 40 Aggdive und total multikulti, aber au e paar wöschächti BaslerInne und Rambasse gheere zu uns.
Bi uns gits kai Zwang, mir seen das locker.
Unser Motto lutet:
Wenig miesse, vyl dörfe.
So lauft’s bi uns
Probe
Mir iiebe jede Zyschdig-Oobe am 8i in unserem aigene Glyggekäller an dr Hauptstross 84 z’Birsfälde.
Parkplätz sinn ganz in dr Nöchi und dr 3er haltet praggtisch vor em Käller.
Vereinsläbe
Unterem Joor dräffe mir uns an Alöss wie em Clique Picknick, em Bingo oder em Wiehnachtsässe.
Mir hälfe au an verschiedene Events mit.
Hesch Luscht, bi uns drby z’si?
Oder wotsch zerscht mee wisse? Denn mäld Di doch grad bi uns.
Kontakt
