Willkommen bei den Bâloinese75

Bâloinese75, e Fasnachtsglygge mit Pfiff und Schlaag!

Wie unsere Namme jo sait, sinn mir syt 1975 uf dr Gass, aber immer no frisch und munter. Unseri gmischti Drummel- und Pfyffergrubbe bystoot us gnapp 40 Aggdive us (fascht) alle Altersklasse.
Mir fyyre Fasnacht mit allem Drum und Draa, laufe dr Cortège mit em e Sujetgossdym, unseri Glyggekinschtler moole e scheeni Ladäärne und baschtle e toll Reggwysit, unsere Huusdichter schribbt e fräch-poetische Zeedel drzue. Unseri Laarve und Gossdym mache mer sälber.
Drmit mir au musikalisch e gwisses Niveau erraiche, iiebe mir jede Zyschdig am Oobe am achti in unserem aigene Glyggekäller an dr Hauptstross 84 z’Birsfälde.
Au sunscht dräffe mir uns durs ganz Joor zu Aalöss, um unseri Frindschaft z pflääge.
Hesch Luscht bi uns mitzmache? Mir sinn allewyyl offe fir neyi Mitglieder, Dambuure, Pfyffer oder Vordräbler. Mäld Di doch bi uns, wenn interessiert bisch.

Mer sueche PfyfferInne und TambourInne

Drey Daag sinn mir Bâloinese an dr Fasnacht 18 als Hippie dur Basel zooge und hänn zämme dr Plausch gha.

Pfyffsch oder drummlisch und mechtisch inere Basler Fasnachtsclique aggtiv mitmache?

Denn kumm doch zu uns! Mir Bâloinese freye uns yber jede Zuewaggs, eb männlig oder wyyblig.

D’Bâloinese sinn e glatte Huffe vo Fasnächtlerinne und Fasnächtler. Unser Spiel zellt 16 PfyfferInne und 6 TambourInne, mir sinn also nid z’groos, aber au nid z’glai.

Hämmer Di gwundrig und gluschtig gmacht? Denn check ys doch au uf unserer Facebooksyte oder schrieb do direkt em Reto Keller, unserem Spiel-Chef.

Reto Keller

Spiel Chef

Delifon: 079 549 35 42

eMail: keller.reto@bluewin.ch

Mitmache

7 + 6 =

Fasnacht 2019 (11.3.2019)

Tag(s)

:

Stunde(N)

:

Minute(N)

:

Sekunde(N)

Mitglieder

Voortraab

Pfyffer

Tambouren

Bâloinese 75
4056 Basel

Postadresse
c/o Marcel Trachsel, Habsmattweg 1, 4153 Reinach

Kontakt
Felix Glaser catglaser@vtxmail.ch
Webmaster
Nicole Trachsel nicole.trachsel@int-ext.com

Bankverbindung
PostFinance
Ktn.-Nr. 40-29310-2